News

Am 10. Februar findet ä Jassturnier bi üs im Freihof Sulge statt. Mir freued üs scho jetzt uf vieli Teilnehmendi für ä lässigs Turnier.

Am 2. Dezember isch äs wieder sowiit: Dä bekannti Eventpoet Christoph Sutter git als Wortakrobat diversi Vers zum Bestä, dasmol begleitet vom Udo Krummel, wo diä Vers gekonnt zeichnerisch umsetzt und zwüschedine chräftig id Taste haut, zum alli Gäscht au musikalisch verwöhnä. D’Joli zauberet wieder äs 5-Gang-Menü uf dä Tisch. Än Alass wo üsem Motto „Kultur und Kulinarik“ meh als gerecht wird.

Meld dich jetzt a; d’Platzzahl isch beschränkt. Mir freued üs uf en wundervollä Obig voller Poesie, humoristischä Zeichnigä, schönä Kläng und feinem Ässä.

Am Samstig, 18. November 2023 gits Hits vo früähner ab originale Schallplatte ufgleit vom DJ BENI bi üs im Freihof! Chum verbii und gnüss än Obig mit Songs vo früähner i guäter Gsellschaft! Mir freued üs uf än lässigä Obig!

Ä kulturelli Begägnig vo dä bsundere Art. D’Mariam vo IMA cuisine zauberet für eu kulinarischi Spezialitäte us verschiedene Länder ufs Buffet. Für nur Fr. 58.- chönd ihr so viel ässe, wiä ihr möged und eu durch diä grossi Vielfalt ufem Buffet wie im Orient fühle.

Melded eu so schnell wie möglich, spötestens aber bis am 24. September 2023 a! (Platzzahl isch beschränkt…)

Mir freued üs uf die viele Köstlichkeitä vo dä Mariam und uf eu!

Folged IMA cuisine uf Instagram oder bsueched ihri Websiitä.

am 10. Dezember 2022, 18:00 Uhr

Nebst em 5-Gang-Menü, wo üses Chuchiteam für eu uf
dä Tisch zauberet, serviert dä Christoph Sutter versiert
sini Vers als Zwüschegang. Di musikalischä Leckerbissä präsentiert s’Stubechörli.

Nur mit Reservation: per sofort unter 071 636 11 07

Fr. 58.- inkl. 5-Gang-Überraschigsmenü und erstklassigi Unterhaltig!

Dankä Albert fürs Filmä und Schniidä vom Video!

Fr. 27.- für Erwachseni (à discrétion) und für Chind und Jugendlichi (bis 16 jöhrig) Fr. 1.- pro Altersjohr.

Mir empfehled eu, früähziitig z’reservierä.

Wow! Mir sind überwältiget! So viel Gäscht händ üsi (noch langer Pausä) erst Stubete bsuächt und diä vielä Musiker unter ihnä händ i unzähligä Formationä für ä abwechsligsriichs Programm gsorgt. Ä grossartigi Stimmig hämmer gha!

Herzlichä Dank allnä, wo gmusigät und gsungä händ! Än bsundärä Dank goht an Albert, wo s’Video mit dä Impressionä gfilmt und gschnittä hät!

Mir freued üs scho jetzt uf di nöchst Stubete am 22.4.22! Bisch au däbii? Denn reservier jetzt din Platz.

Immer am 4. Friitig im Monät isch Stubete!

Endlich chönd mir wieder zämä musigä, singä, jodlä und tanzä! Chömäd verbii und verbringäd mis üs immer am 4. Friitig im Monät än urchig-musikalischä Obig. Äs Epiano stoht jewiils parat. Anderi Instrument bringsch eifach selber mit – und au ohni Instrument bisch natürlich herzlich willkommä!

Mir freuäd üs uf vieli Volksmusigfründä, Jodler und Musikantä!

Damit du sicher än Platz häsch, reservier doch amel vorher unter:

071 636 11 07

Dörfemer vorstelle: Willi und Reto. Diä beidä gfülltä Zuckermüüs gits ab sofort bi üs als Huuskafi. Bstell än Freihof-Kafi „Willi“ oder „Reto“ und tauch di zuckersüäss Muus i din Kafi. Prost!

Wüssäd ihr no, wiä mir usgsehnd?

Mir freued üs sehr druf, eu mit strahlendem Lachä und ohni Maskä bi üs z’begrüässä.

Juhuii, äs git Fondue. Völlig egal, ob du älai für dich, z’zweitä oder gad inere ganzä Gruppe reserviersch, bi üs gnüssisch du s’Chääsfondue entweder ganz klassisch, oder i dä Deluxe-Variante mit Härdöpfel, Gürkli, Silberzwieblä und Maischölbli.

Fondue gits ab sofort uf Reservation.

Vom 24.12.21 – 02.01.22 machäd mir Feriä. Ab em 03. Januar 2022 sind mir gern wieder für eu do!

Dä Artikel isch am 17.12.21 im neuä Azeiger erschienä:

Mir dankäd allnä Gäscht für diä lässig Stimmig, diä lobendä Wort und dä herzlich Applaus. Dank eu isch dä Alass än unvergässliche Obig wordä!

Ganz herzlich dankäd mir am Christoph Sutter für diä gekonnt witzig Moderation dur dä Obig, sini unverkennbar humorvollä Vers und diä perfekt platziertä Astöss zum Nodenkä, wo dä lässigä, entspannte Atmosphäre kei bitzli id Queri cho sind.

Au dä 16-jöhrigä Nadine Weber, wo mit em Saitetanz uf äm Hackbrett alli verzauberet hät, gebührt ä herzlichs Dankeschön! Miterä grossä Bandbreiti a Stilrichtigä hät sie allnä zeigäd, wiä vielsiitig das Instrument und ihres Chönnä isch. Nöd wenig händ d’Gäst sich vo dä wundervollä Kläng zum Mitsummä und Mitsingä hirissä loh.

Und natürlich üsem ganzä Team, wo wiedermol super fürs Wohlbefindä vo üsnä Gäscht gsorgt hät, wönd mir a därä Stell nomol herzlich dankä.

Am 1. Dezember 2021 isch am Nomittag d’Postleitzahl vo Sulge im Radio cho > alli wo in Sulge wohned oder en Bezug zu Sulge hend, hend ihres Glück dörfe probiere und chöne is Radiostudio alütä. So häts au d’Joli gmacht und hät mit liäbä Grüäss a alli Gäscht und d’Jodelspatze än Musigwunsch dörfä platziärä.

Am 6. und 7. November 2021 spielt d’Theatergruppe AachThurLand im Freihof. Mit ämä 4-Gang-Menü wärded d’Gäste während dä spannenden Geschehnis kulinarisch verwöhnt.

Letschti Plätz sind do z’ergatterä.